CEPAD hamutuk ho Eskola Ensino Secundario Sagrado Coração de Jesus-Becora hala’o lansamentu ba Atividades “Sesaun Hafahe Informasaun” ba estudantes 30 Ano ne’ebé mak halo parte nudar membrus Konselhu Estudantil no akompanha mos husi mestre sira ne’ebé mak hanorin iha Materia Edukasaun Sidadania.
Liu husi Atividades Extrakurikuler ne’ebé mak eskola ne’e iha nanis ona mak Formasaun Humana, atu hafahe informasaun kona-ba oinsa bele Prevene no kombate korrupsaun liu husi asaun, Onestidade, responsabilidade, Disiplina no Akontabilidade. Iha Lansamentu ba atividades ne’e, reprezentante husi eskola Sacrojes hateten katak” …Formasaun ne’e laos di’ak ba estudante sira de’it, maibe mos ba ami mestre/a sira mos, atu oinsa bele komprende no hatene di’ak liu tan saida mak korrupsaun. Odamatan eskola Sacrojes nian nafatin loke ba CEPAD atu hala’o atividades ne’e ba futuru alin-oan sira nian, haktuir profesora Angela Fernandes, responsavel Asuntu Estudantil.
Molok loke sesaun ne’e hamutuk ho reprezentante Sacrojes, Sr. João Boavida iha nian Introdusaun hateten katak “….Programa Boa Governasaun ida ne’e atu hamosu governasaun ne’ebe di’ak, liuhusi prepara alin-oan sira ba futuru profesional no alin sira tenki aprende duni buat di’ak ruma ba imi nia futuru tuir mai. Atu nune’e {Bainhira} atu ukun tenki ukun ho fuan no laran ho responsabilidade, transparansia, onestidade, no disiplina”(haktuir Diretór Ezekutivu CEPAD Sr. João Boavida. Atividades ne’e hala’o iha loron 22 Juñu 2021 iha Eskola Sacrojes-Becora ho finansiamentu husi Misereor.