Durante CEPAD hala’o konsultasaun ho komunidade sira  iha Timor-laran tomak  husi tinan 2007-2009, partisipantes sira husu be-beik atu hari espasu neutral ida nudar knua ba komunidade sira atu kontinua hala’o dialogu hodi fasilita implementasaun ba atividade programa hari dame-nian.

Hodi hatan ba nesesiedade ida ne’e, CEPAD hari uma dame balu ho baze iha tradisaun no kostume Timor-oan-nian mak “Nahe Biti Boot” ka halibur malu hodi diskuti no tesi-lia kona-ba disputa ruma iha nivel komunidade. Uma dame mos nudar fatin ne’ebé seguru, neutral mak komunidade rasik mak na’in, funsiona nudar ponte ida entre Munisipius no kapital Timor-Leste hodi haburas debates iha nivel lokal no-mos hodi liga fali prioridades komunidades sira nian ho asuntus mak importante ba nasaun. Uma Dame mós mosu hodi sai knua ba atividades oin-oin mak bele halibur komunidade sira hamutuk, nune’e hodi enkoraja partisipasaun sosiedade sivil, inklui grupu juventudes sira iha enkontrus no formasaun grupu iha areas oin-oin.

CEPAD hamutuk ho komunidades sira iha nivel lokal hari no lansa ona Uma Dame hamutuk 6 (neen) iha Munisipius Aileu, Baucau, Bobonaro, Ermera, Manufahi no Manatuto.

peace_house_aileu_round

Uma Dame Aileu

Suco Aisirimou, Munisipiu Aileu. Lansamentu konstrusaun iha Novembru 2010, inagurasaun iha 2011.

peace_house_baucau_round

Uma Dame Baucau

Suco Triloka, Munisipiu Baucau. Lansamentu konstrusaun iha Marsu 2011, inagurasaun iha 2011.

peace_house_bobonaro_round

Uma Dame Maliana

Suco Holsa, Munisipiu Bobonaru. Lansamentu konstrusaun iha Agostu 2011, inagurasaun iha Dezembru 2011.

peace_house_ermera_round

Uma Dame Ermera

Suco Talimoru, Munisipiu Ermera. Lansamentu konstrusaun iha Outubru 2012, inagurasaun iha Marsu 2013.

peace_house_manufahi_round

Uma Dame Same

Suco Letefoho, Munisipiu Manufahi. Lansamentu konstrusaun iha Septembru 2014, inagurasaun iha 2015.

Uma Dame Manatuto

Suco Ma’abat, Munisipiu Manatuto. Lansamentu konstrusaun iha 2015.