CEPAD-EU Konkursu Arte Literasia Liberdade ba Informasaun

ANTESEDENTE

Rekoñese importansia husi Asesu ba Informasaun, Asembleia Jeral ONU-74 proklama loron 28 Setembru nu’udar loron Internasional Universal ba Asesu Informasaun (IDUAI), iha nivel ONU iha Outubru 2019. Loron ida ne’e proklama iha Konferensia Geral UNESCO iha 2015, haktuir kedas ho adoasaun husi 38 C/Rezolusaun 57 deklara katak 28 Setembru kada tinan nu’udar loron Internasional Universal Asesu ba Infomasaun (IDUAI)

Tema ba Loron Internasional Universal Asesu  ba Informasaun iha tinan 2021 mak sei hare kona-ba papel husi Lei Asesu ba Informasaun no nian implementasaun atu haforsa fali Instituisaun ne’ebé forte ba interese públiku no dezenvolvimentu sustentavel, nune’e mos atu haforsa direitu ba informasaun no kolaborasaun internasional iha implementasaun ba direitus umanus iha baze.   

Nu’udar parte ida husi selebrasaun nasional ba IDUAI, projeitu FoI ne’ebé finansia husi União Europeia implementa husi CEPAD mak sai na’in ba Konkursu Arte Literasia Liberdade Asesu ba Informasaun ba da-uluk nu’udar parte ida atu komemora Loron Internasional Universal Asesu ba Informasaun.

CEPAD, buka explora kreatividade husi maluk Timoroan iha advokasia ba importansia husi asesu ba informasaun iha nasaun doben, liu husi forma oioin no meius husi arte nu’udar servisus literasia.

OBJETIVU

CEPAD-EU Konkursu Arte Literasia Liberdade ba Informasaun ho objetivu atu hakbiit koñesimentu públiku kona-ba importansia husi direitu ba informasaun mak governu ida ne’ebé nakloke iha transparansia no akontavel bainhira iha prosesu foti desijaun espesifiku iha tempu krize.  

KONKURSU

Tuir mai mak kriteria ba konkursu iha edisaun ba tinan ne’e:

                                                 KONKURSU HAKEREK ARTIGU

                                    KONKURSU HAKEREK & APREZENTA POEZIA

KONKURSU HAKEREK ARTIGU

  1. Konkursu ne’e loke ba estudantes Universitarius hotu.
  2. Hakerek ho lian Tetum, mínimu liafuan 350 no másimu 600.
  3. Topiku: Asesu Informasaun MUDA EMA NIAN MORIS no NUDAR MEIUS BA GOVERNU ATU TRANSPARANTE.
  4. Aplikasaun ba Artigu ne’ebé hatama iha forma original no SEIDAUK HATAMA KA APLIKA BA KONKURSU NASIONAL KA INTERNASIONAL RUMA.
  5. Estudante ida bele de’it hatama artigu ida ba konkursu ne’e.
  6. Aplikasaun tenki hatama iha ou molok Sesta-feira, 20 Agostu 2021, tuku 17:00 OTL via Email cepad.foiday21@gmail.com
  7. Ba Inskrisaun hotu ne’ebé hatama konsidera nu’udar propriedade FOI-CEPAD no Organizasaun sei utiliza ba publikasaun no ba finalidade legais seluk.
  8. Kriteria ba Avaliasaun:

  • Konteudu (Relevansia ho Topiku)                  35%
  • Estruturasaun (estrutura husi diskusaun)     35%
  • Modelu (Orijinalidade, kreatividade)             20%
  • Mekanizmu (Pontuasaun)                               10%

9. Manan na’in sei notifika ka informa liu husi email, Telefone, no ou karta ofisial.

10. Manan na’in sei simu premius hanesan tuir mai ne’e:

  • Manan na’in primeiru    : U$50 Voucher, Sertifikadu, Plaka, Kamiza
  • Manan na’in S egundu : U$ 40 Voucher, Sertifikadu, Plaka, Kamiza
  • Manan na’in Terseiru     : U$ 30 Voucher, Sertifikadu, Plaka, Kamiza

KONKURSU HAKEREK NO APREZENTA POEZIA

  1. Ami Enkoraja estudantes Ensino Primaria husi 5-6 Ano atu hakerek imi nian Poezia favoritu kona-ba “Sidadaun no Informasaun”.
  2. Poezia ne’e tenki iha 20 linhas ou menus.
  3. Poezia ne’e bele hakerek ho liman ou bele ketik no print.
  4. Estudante ida bele de’it hatama poezia ida ba konkursu ne’e.
  5. Tenki asegura katak estudantes sira inklui sira naran, tinan/idade no naran eskola iha sira nian formatu ne’ebé hatama.
  6. Aplikasaun tenki hatama iha ou molok 20 Agostu 2021 (Sesta-feira) iha Edifisiu CEPAD Rua Bidau Ailele-Hun ou via email cepad.foiday21@gmail.com ka hasai foto poezia ne’ebé imi hakerek haruka mai Whatsapp 77474218
  7. Kriteria ba Avaliasaun

  • Relevansia ba Tema – 50%
  • Kreatividade/Modelu/istilu no Orijinalidade – 30%
  • Harmonia iha liafuan, aprezentasaun – 10%
  • Klareza iha liafuan – 10%

8. Manan na’in,na’in 3 sei simu:

  • Manan na’in primeiru   : U$50 Voucher, Sertifikadu, Plaka, Kamiza
  • Manan na’in Segundu : U$40 Voucher, Sertifikadu, Plaka, Kamiza
  • Manan na’in Terseiru    : U$30 Voucher, Sertifikadu Plaka, Kamiza

9. Ida ne’ebé hakerek di’ak liu sei aprezenta sira nian rezultadu liu husi media parseiru no estasaun televizaun.

10. Aplikasaun ne’ebé di’ak liu sei Promove mos iha Pajina CEPAD no EU, Website, jornais, liu husi Ita nian parseiru JSMP.   

Ba klarifikasaun ruma, bele email no kontaktu ami liu husi 

cepad.foiday21@gmail.com

+67077474218